#назира МУҲАММАД ЮСУФ танловига.
🙋♂️📚📚📚
Қадим юртга қайсин қадим наволарим,
Қумлар босиб қуримасин дарёларим.
Алпомишга алла айтган момоларим
Руҳини шод этай десанг — халқ бўл, элим!..
(МУҲАММАД ЮСУФдан)
***
Кел,бағримга босай сени ижозат бер-
Қалби осмон,меҳри улкан,дарё элим.
Меҳринг оқлаб,ёзсам дейман бир дона шеър-
Мени қўлла ва айлагин дуо элим!...
Ҳар мисрамда алпомишнинг келбати бор,
Навоийнинг,шоҳ Бобурнинг сийрати бор.
Қадим юртсан,назар солган парвардигор,
Қалби осмон,меҳри улкан,дарё элим!...
Сен Ҳўжандсан,Самарқандсан,Фарғонасан,
Шералидан мерос қолган таронасан.
Дўстга дўстсан,ғанимларга бегонасан,
Қалби осмон,меҳри улкан,дарё элим!..
Сен беш тилда айтилгувчи ғазалимсан,
Ҳақ йўлига элитгувчи масалимсан.
Дунё учун,сен иккинчи муаллимсан,
Сенга қуллиқ қилса арзир дунё,елим!...
Телифонни бир четга сур китоб ўқи,
Тур ўрнингдан ётма мисли бетоб,ўқи.
Қилдим яна,такрор-такрор ҳитоб,ўқи-
Очай десанг гар янгича дунё,елим!...
Кел,бағримга босай сени ижозат бер-
Қалби осмон,меҳри улкан,дарё элим.
Меҳринг оқлаб,ёзсам дейман бир дона шеър-
Мени қўлла ва айлагин дуо элим!...
ИЛҲОМ ШЕР
2024/05/14-Май/сешанба.
Тожикистон/Суғд вилояти.
Жаббор Расулов тумани.
Янгиобод қишлоғи.
